- 36 -

1283, Januar 19. Breslau.

Propst Sbroslaus von Breslau entscheidet einen Rechtsstreit über die Zehnten von Jeseritz.

In nomine domini amen. Noverint universi presentes et futuri, quia, cum inter dominum Laurentium canonicum Wratislaviensem ex una parte et Iohannem rectorem et Stephanum et Iasconem et Henricum patronos ecclesie de Wirbno ex altera questio verteretur super decimis de Gesersco agrorum, quos idem dicti patroni propriis sumptibus colunt et idem dominus Laurentius ad prebendam suam easdem decimas asserit pertinere, nos Sbroslaus prepositus Wrat., cum eidem cause nomine capituli preessemus, tandem, cum in lite processum fuisset ex utraque parte de veritate dicenda prestito iuramento et lite contestata testes recepti essent et conclusum in causa esset nec restaret nisi finitima sententia proferenda, placuit utrique parti totum negotium committere arbitrio nostro. Pensata equitate, que non numquam iuri prevalet, quia ex parte rectoris ecclesie de Wirbno sufficienter probatum extitit, quod impossessione dicte decime de Gesersco ipse et antecessores sui semper fuissent a tempore, cuius non est memoria, pronunciamus in hiis scriptis, eundem Iohannem rectorem eeclesie de Wirbno et suos successores esse tuendum predicto domino Laurentio cum suis successoribus super hac decima perpetuum silentium imponentes, absolventes ipsum ab expensis, quas adversa pars propter hoc in lite fecerat propter bonum pacis. Quam compositionem ab utraque parte ratam habitam presenti pagina comfirmamus et sigillis appensis nostri capituli et dominorum Iohannis scolastici tunc temporis officialis curie Wratislaviensis et Iohannis filii Goswini ad perpetuam memoriam roboramus. Datum Wratislavie per manum Augustini in vigilia sanctorum Fabiani et Sebastiani anno domini M°. CC°. LXXX tertio.

Or. Perg. Das am unteren Rande beschädigte Kapitelsiegel (Johanneskopf-Siegel) und das des Sbroslaus an Pergamentstreifen. Das dritte S. fehlt. Pfotenhauer, Siegel S. 16 und 18. Regesten No. 1736.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.